Artikel
De aoventuren van Binkie ( deel 19 ).

t Vrouwgien rookt…….ze stek nog net niet de iene met de aandere an, zo slim is

’t nog net niet, mar ’t baosien argert zuch der gruun en geel an.

Hie zeg : ’Gooi die kankerstokkies toch vort, ij maakt jezölf hielemaol kepot’.

En weej wal, wat e smangs ok zeg ?

Hie zeg : ’daor bin ik niet veur an ’t wark !

Oeps…..dat is tegen ’t zere bien, want dat lig hier in hoes hiel gevulig, mar laow der mar recht veur oet kommen, ’t vrouwgien brengt gien iene moer in’.

Ja, een beetien kuiern met mij en heur wark as mien sikketaresse, mar dat zet gien zudden an de diek, want ik heb ok niks en van ’n kale kip kuj niks plukken.

Dat sikketaressewark döt ze trouwens ok nog veur De Loozangers, mar dat is van

’t zölfde laken een pak. Daor valt ok niks met op de wal te halen ! Dus, zu’n opmarking van ’t baosien, die giet heur niet in de kolde kleren zitten.

 

Och…’t begroot mij bijtoeren wal heur, want ze mient dat ze ’t er barre drok met hef en zeg non zölf, wat is Zweel non zunder De Loozangers.

Het koor bestiet al bekant zestig jaor en da’s toch ’n hiele zet. Of niet dan ?

En zie bint niks oldbollig heur, denk erum !

Zie bint altieding met de tied metgaon.

’t Is ’n gemengd koor, mar dat moej mar met ’n körreltien zolt nimmen, want der zit niet zo hiel veul krenten meer in de pap.

De vrouwlu hebt de overhaand. Zie weet beter van deurzetten, zuw mar zeggen.

Moej naogaon, dat er altied zegd wordt, dat mannen ’t starke geslacht bint.

Laot mij niet lachen !!!! ’k Bin zölf een rekeltien, mar ik geef grif toe, vrouwen bint meer mans,’k weet ’t wal iezervast.

Dat sopraantien van mij is der van overtuugd, dat ’t Zweeler manvolk veulal van die watties bint. Zie wult wal zingen, mar niet bij De Loozangers.Zie duurt niet, zie denkt dat ’t veuls te zwaore kost is. En ja, waorum zuj ’t moeilijk doen, as ’t makkelk kan.

Ij begriept mij zeker wal hè ?

Of begeef ik mij non te veul op de woelige baren ?

Ik hoop niet da’k non sommigen tegen mij in ’t harnas jaagd heb.

Mar as der toch welkenden bint, die denkt van : ’Ik zal dat smerige siepien wal ies evenpies ’n schup verkopen’, pas op heur………ik biet !!!!!!!!

En….uh……’t vrouwgien is ’n dom blondtien, wet nargens wat van.

Ik zal ’n gat in de lucht springen as der stoere keerls opstaot, die de oetdaging angaot en besluut um De Loozangers te verstarken, zodaj over ’n paar jaor niet huuft te zeggen, dat ’t zo zunde is, dat zu’n mooi koor naor de filestijnen gaon is.

 

Mien sikketaresse zal elkeniene met open armen ontvangen !

 

Woef !!!!!! 

 

Plaats reactie

De redactie houdt zich het recht voor ingezonden reacties niet te publiceren, indien de redactie meent dat deze reactie onnodig kwetsend is of beledigende inhoud bevat.

Beveiligingscode
Vernieuwen

Zoeken in de site

Binkie's aoventuren

Kunst & cultuurnieuws

Sweelpop en grandcafé LiBo slaan handen ineen

Het Oud & Nieuw feest zal dit jaar nieuw leven ingeblazen worden. Dit jaar zal het namelijk plaatsvinden bij grandcafé LiBo. Wij hopen samen met jullie, bij deze prachtige nieuwe loc...

dinsdag, 3 december 2019

Lees verder

Theater Hofpoort

O’Dreams – Broken. Er is iets stuk bij O’DREAMS. En dan hebben we het niet alleen over de gebroken schouder van Ed, maar ook over de onderlinge verhoudingen, het liefdesleven van...

dinsdag, 3 december 2019

Lees verder

Objecten gezocht voor tentoonstelling 75 jaar vrijheid

Vanaf 11 april 2020 organiseert het Stedelijk Museum Coevorden een tentoonstelling rond de herdenking van 75 jaar vrijheid. Het museum zal diverse objecten met betrekking tot de Tweede Wereldoorlog laten zie...

dinsdag, 3 december 2019

Lees verder
Willekeurige foto