Artikel
Babbelegoegies

Da`s lang leden dat er een Babbelegoegies in Oes Eig’n Kraantien staon hef hè? Mar ’t wordt neudig tied, want het giet volgens mij agil niet goed met oeze Drentse taol! Nim non Oes Eig’n Kraantien, een Drentse naam, mar der komp praktisch gien Drents woord in veur. Dus daor möt veraandering in kommen!

Kiek ies even naor een stukkie oet een liedtie van Harm en Roelof:

Hoe zal het wezen, hoe zal het gaon,

hoe lang zul wij nog as zangers bestaon,

as meer en meer mèesken bij ’t heuren van oes lied

niet meer verstaot, waoras ’t over giet?

Tja, meer en meer mèensken verstaot het Drents niet meer. De echte Drenten wal natuurlijk, mar wat is een echte Drent? Ik vin dat dat iene is die in Drenthe geboren is en die Drents prat. Mar bint er daor nog wal zoveul van??

Der komt aal meer mèensken van elders dizze kaant op, dat giet al jaoren an.

Zie hebt oeze mooie previncie ontdekt en hebt hier een hoes kocht.

Veul Drenten hebt dat lange tied met Argus ogen an zien en der weur ok veul foeterd op dat volk, want ja dat import ( is niet oneerbiedig bedoeld ) is toch wal wat aans en het zit geliek overal in, zoas in besturen van allerlei verienings en zo.

Tja, zo giet dat, een Drent stek niet geern de kop boven het meiveld oet, want as e dat toch döt, lichtkaans dat hum de mond snoerd wordt, want ieder vogeltie zingt zoas het gebekt is en het Drentse vogeltie is over het algemien niet zó goed gebekt. Wij moet altied zo neudig eerst de kat oet de boom kieken en aw daor klaor met bint dan hef zoiene van boeten zuch al lang anmeld!

En dat giet met de taol net zo, wij past oes geliek an en gaot hoogop proten. En dat is funest veur oeze taol, die deur sommigen wal ies hiel denigrerend een dialect nuumd wordt. Ik heb der al vaker op hamerd, het Drents is underdiel van het Nedersaksich en dat is een officieel herkende taol!!

Ik nim miet pettie of veur Harm Diekstra, die lult tegen Jan en alleman gewoon in het Drents en geliek hef e: bij Drenthe heurt het Drents!!

Eigenlijk mussen wij dat allemaol doen, laot de niet-Drenten zuch mar anpassen inplaots van aansum!

En ach, wij bint ja best aordig, as ze ’t echt niet begriept, dan vertaal wij het toch!

Wij hebt ok gewoon Nederlands op schoel leerd, wij bint zölfs twietaolig!

Dus, börst veuroet en kop umhoog, wij bint trots op Drenthe en BAR WIES met het Drents!

En…. wel zien moers taol verloochent, verloochent zuchzölf!!

Oes Eig'n Kraantien d.d. 1 januari 2020

 

 

 

 

 

 

 

 

Zoeken in de site

Kunst & cultuurnieuws

Stichting Folk veur Volk zorgt voor muzikaal cadeau horeca en inwoners

Afgelopen zaterdag stond de 26 editie van het Folk veur Volk festival gepland. Omdat een groot evenement in de hof van Schepers dit jaar echter niet was toegestaan was, had Sti...

dinsdag, 23 juni 2020

Lees verder

Bibliotheek Aalden weer open vanaf 16 juni

Vanaf dinsdag 16 juni is Bibliotheek Aalden weer open. Bezoekers kunnen weer materialen lenen en inleveren. De openingstijden zijn tot 1 september aangepast. De bibliotheek is geopend op dinsdag van 14....

donderdag, 11 juni 2020

Lees verder

‘Eikenboom en Hunebed’

Beeldhouwer Lucas Klein even terug in Zweeloo; duo-exposite met Agnes van Eupen. Vanaf komende zaterdag kan het weer: genieten van kunst nu de KunstenaarsHerberg weer open mag. En hoe: met een...

dinsdag, 9 juni 2020

Lees verder
Willekeurige foto