Zweeloo Digitaal
Het wordt tied, daw in Zweel ies met de voest op taofel slaot !!

Wij moet op de barricaden veur oes zwembad, zie wult ’t vortbezunigen.

’t Is toch niet te geleuven, wij holdt hier in Zweel niks meer over. Eerst weur der bekend maakt, dat er gien subsidie meer komp veur De Spil en non zal dat waoras Zweel altied zo trots op west is ok nog naor de filistijnen hölpen worden.

 
‘Een ongeluk zit smangs in ´n klein hoekie!

Der giet gien aovend veurbij of mien stoere hond en ik loopt veur ’t hen berre gaon het gebroekelijk rondtie : Kloosterdwarsweg – Marktstraot – Klooster (even veur oes olde hoes langs, ’k heb der mar liefst 25 jaor woont ) en dan weer hen de Kloosterdwarsweg.

 

 
Nr. 11

Ij mugt niet met aandermans veren pronken ! Mar körsdaags kreeg ik van iene dit gedichie in handen drukt en ik vun ’t zo mooi ! Zó herkenbaar ! Ik heb ’t hier en daor een klein beetie anpast, maar meer ok niet en de naam van de schriefster stiet er under. Ere wel ere toekomp !!

 

De schötteldoek.

 

Met de schötteldoek gunk ’t er vrogger wal ies raar heer.

’t Was ien en al gegleer en gesmeer.

De jongern zult er wal niet veul van weten

En de olden, die wult ’t het liefste vergeten.

 

 
Babbelegoegies...

Körsdaags kwam ik in gesprek met een vrouw, die hier niet weg kwam en wij kregen

’t over ’t Drèents. Da’s agil niet zo gek, want ’t is ’n underwarp waoras ik bar geern over proot. Die vrouw har liever niet, dat heur zeuntie al te veul Drèenste woorden gebroekte, ze was bang, dat dat zien Nederlands in de weg zul staon. Ik dacht ”Ach, mien lieve kind, da’s ja al lang achterhaald”. Het iene bet het aandere ja niet. Het is toch juust prachtig as je kind twietaolig opgruit !

 
Babbelegoegies nu ook op deze site

Derkje de Groot hef een hiele zet samen met heur hondtie verhaalties schreven in Oes Eig'n Kraantien under de titel "De aoventuren van Binkie". In 2009 hef Derkje het Drèentse dictee wunnen, dat was organiseerd deur Het huus van de Taol en TV Drenthe. Inmiddels bint de Binkie verhaalties stopt en bint er aandere verhaalties veur in de plek kommen. Under de rubriek Kunst en Cultuur - Babbelegoegies valt er algedurig iene te lezen.

 
nr. 10

Wat denk ij, wat dat kleine jonkie op die foto hierboven döt ?

Dat za’k je vertellen.

Hie verveelde zuk en zat gigantisch te mekkern.

En toen zee ik : ”Gao mar op kop staon en dubbelties schieten”. Non, dat was niet tegen dovemans oren zegd. Aj goed kiekt, dan ziej ze der stuk veur stuk oet kommen, deur ’n klein gattie in zien boksie.

Der bint zu’n koppel mooie Drèentse gezegdes, dat har mij wal wat leken um der met ’t kommende Zudenveldtoonstelling wat met te doen, mar wij hebt bij oes in de straot argens aans veur keuzen. Ok hiel mooi heur, mar ik vertel je der lekker niks over.

 

 
speciaal veur

Dizze babbelegoegies is speciaal veur Jan en Janneke en komp dus niet in oes eigen kraantien.

Hiel Zweel huuf  ’t non ok weer niet te weten wat er met oeze buren an de haand is. Mar dat er mörgen wat is, dat stiet vast.

 

Het is vrijdagaovend as ik dit stukkie schrief en ik heurde net op ’t journaal, dat ’t mörgen ’n warme dag wordt, mar liefst 27 graoden en der kan ok nog wal iens een graodtien bij kommen.

 

Oeze buurties bint mörgen 40 jaor trouwd en zie treft ’t dus geweldig met ’t weer. Zie holdt der feest van bij Seubers in Gies en ’t begunt ’s-middags um twie uur. Veur eten en drinken wordt ok zörgd, dus da’s  veur de gasten mooi metneumen. Evenpies ofwachten wat de pot schaft, want Jan hef de erpel in de tuun nog niet zo ver. Mar, wij wordt vast wal zat.

 

 
nr. 9

Hej dat ok, daj zu’n hekel hebt an dat geschooi an de deur ? 

Dan bi’j net argens drök met bezig en ring......... de bel !

Stiet dat mèensk met dat zwarte siepie weer veur de deur met ien of aander collectebussie. Der is altied wal wat. De iene keer is ’t hierveur en de aandere keer weer daor veur, ij kunt wal an de gang blieven.

Een toertie leden kwam ze veur kinderhulp.

 

 
nr. 8

In mei legt alle vogelties een ei ! Het spul hef ’t er mar drok met, ’t nust möt klaor. De zwalvies hebt bij oes hoes ok weer een daalders plekkie oet zöcht. Aj niet oppast, dan schiet ze je pardoes op de kop aj  bij oes de veurste deur ingaot. Mar ik laot ’t rustig geworden, ik kan ’t niet over mien hart verkriegen um ze vort te jagen.

Ach ja, de natuur giet gewoon zien gang, allennig dat weer wul niks. Een toertie leden hew nog een paar mooie dagen had. Elkenien har toen geliek ’t veurjaor in de kop ! Jan en alleman stun op de kop in de tuun.

Ien van mien buurmannen kun ’t  niet laoten um mij der op te wiezen, hoe drok as e ’t wal niet har en dat ik toch mar een verwend wiefie was, dat allennig mar een beetie kuierde met dat hondtie.

 
nr. 7

Veurige week bin’k hen de vergadering van dörpsbelangen west.

Het gung over van alles en nog wat, mar een paar dinger spreuken mij toch wal arg an. Bijveurbeeld, een paar kinder, die slim geern een speultuuntie wolden. Zie hadden een hiele koppel handtiekeningen verzameld en die beuden ze de veurzitter an. Da’s toch geweldig ?

’t is ja ok agil gien slecht idee, want dan bint ze tenminste van de straot of en daormet kom ik geliek op ’t volgende punt, ’t is levensgevaorlijk op straot, umdat hiel veul mèensken veuls te hard riedt bij oes op ’t dörp.

Mar wel bint dat dan, die mèensken ? Non in de zaal bij die vergadering daor zaten ze niet. Tuurlijk niet ! Ik ok niet.

Gieniene döt ’t en toch gebeurt ’t !

En met ’t schaamrood op de kaken geef ik bij dizze eerlijk toe, dat ik ’t ok wal iens doe ! Niet meer zo vaak as vrogger, want toen he’k ’t iens presteerd da’k in tied van hoogoet twintig minuten twie keer op de bon slingerd weur in

 

 
<< Start < Vorige 1 2 3 Volgende > Einde >>

Pagina 2 van 3

Zoeken in de site

Willekeurige foto