Dizze babbelegoegies is speciaal veur Jan en Janneke en komp dus niet in oes eigen kraantien.
Hiel Zweel huuf ’t non ok weer niet te weten wat er met oeze buren an de haand is. Mar dat er mörgen wat is, dat stiet vast.
Het is vrijdagaovend as ik dit stukkie schrief en ik heurde net op ’t journaal, dat ’t mörgen ’n warme dag wordt, mar liefst 27 graoden en der kan ok nog wal iens een graodtien bij kommen.
Oeze buurties bint mörgen 40 jaor trouwd en zie treft ’t dus geweldig met ’t weer. Zie holdt der feest van bij Seubers in Gies en ’t begunt ’s-middags um twie uur. Veur eten en drinken wordt ok zörgd, dus da’s veur de gasten mooi metneumen. Evenpies ofwachten wat de pot schaft, want Jan hef de erpel in de tuun nog niet zo ver. Mar, wij wordt vast wal zat.
De kinder van Jan en Janneke hebt alle geneudigden vraogd um een verhaaltie veur en over heur pap en mam te schrieven, beveurbeeld over wa’j zoal met ze beleefd hebt.
Non, dat valt nogal met, ’t bint rustige mèensken, zie kribt agil niet veul, want wij heurd nooit gien geschrieuw of zo.
Alhoewal .........een aantal jaoren leden, haw toch wal ienig paniek in de tent. Jan har de auto op de oprit henzet en vergeten um de handrem an te trekken. Tja, dat kan de beste overkommen, mar die auto gung an de haal, achteroet
’t pad of, mooi richting sloot en Jan stun, zuk van gien kwaod bewust, under de douche. Ja, en aj dan zu’n op hol geslagen auto tegen moet holden, dan koj bienen te kört. Toch ? Het voertuug miste op ’n haor nao een dikke boom en belandde met de achterwielen in de sloot.
Oes Henk leefde toen nog en samen met Geert hef e Janneke oet de braand hölpen.
Het luup met ’n sisser of !!
Geert, Derkje en Binkie.
